Stuorradigge- ja sámediggeválga 2025
Válgabeaivi lea 8. čakčamánnu.
Máŋga gielddain sáhtat maiddái jienastit sotnabeaivve čákčamánu 7. beaivvis. Lea maiddái vejolaš ovdalgiihte jienastit olles riikas borgemánu 11. beaivvis gitta čakčamánu 5. beaivvi rádjai. Muitte persovdnaduođáštusa.
Gii sáhtá jienastit?
Dus lea jienastanriekti stuorradiggeválggas jus:
- leat norga stáhttaborgár
- leat deavdán, dahje deavddát 18 jagi 2025 jagi siste
- leat orrun, dahje orut norggas, ja leat álbmotregisttaris registrerejuvvon
Muite persovdnaduođáštusa go jienastat
Go áiggut jienastit fertert čájehit persovdnaduođáštusa. Persovdnaduođáštusasgalgá leamin du namma, riegádanbeaivi ja govva. Dat sáhttá leamin omd. pássa,nášuvnnalaš ID-koarta, vuodjinkoarta, dahje báŋkokoarta mas lea du govva.
Jus leat muhtun ásahusas orrumin, nu mo omd. buhcciidsiiddas, buohcceviesus dahje giddagasas, sáhtat oažžut veahki du ásahusa bargis duođaštit du identitehta. Dát bargi dalle maiddái ferte iežas identitehta duođaštit.
Goas ja gos sáhtat jienastit?
Dus lea vejolašvuohta ovdalgiihte jienastit vuossárgga 11. borgemánu rájes, gitta vuossárgga 5. čákčamánu radjai. Don maid sáhtat jienastit buot gielddain.
Válgabeaivvis fertet jienastit iežat ruovttugielddas gos leat álbmotregistrerejuvvon. Du ruoktogielda lea dat gielda mas leat ássan maŋimuččat 30. geassemánu 2025 rájes, dahje dan ovdal. Sáhtat jienastit buot válgalanjain du ruovttugielddas.
Jus dus ii leat vejolašvuohta jienastit válgabeaivvis dahje áigodagas goas sáhtta ovdalgiihte jienastit, sáhtat sihtat iežat ruovttugielddas dáhkat árrajienasteami. Árrajienasteapmi álgá 1. suoidnemánus.
Lea maiddái vejolaš jienastit olgoriikas 1. geassemánu rájes gitta 29. borgemánu radjai.
Gávnna du válgalanja neahttasiiddus: valglokaler.no
Ná jienastat iežat ruovttugielddas
Váldde jienastanlihpu man áiggot geavahit.
Máhco jienastanlihpu nu ahte bellodaga namma máhccojuvvo sisaguovlui, ja steampalastinsadji oidno olggobealde. Dán láhkai earát eai oainne maid jienastat. Ále bija jienastankoarta konvoluhtta sisa, dahje geavat eará tiŋggaid bidjat jienastanlihpu birra.
Váldde jienastanlihpu válgabargi lusa vai beasat oažžut steampala dasa. Lea dehálaš ahte jienastanlihpus lea steampal vai dohkkehuvvo.
Bija jienastanlihpu jienastanlihttái.
Ná jienastat iežat ruovttugieldda olggobealde
Jus jienastat iežat ruovttugieldda olggobealde, don oaččut jienastanlihpu mainna beasat jienastit. Dán jienastanlihpus leat buot politihkkálaš bellodagaid namat mat ožžo unnimusmeari 5000 jienaid olles norggas ovddit stuorradiggeválggas, dahje leat registrerejuvvon ovddit stuorradiggeválgga maŋŋá. Don fertet russet dan bellodaga man áiggut jienastit. Dán jienastanlihpus eai leat bellodaga kandidáhtaid namat čállon.
Jus it gávnna bellodaga dahje joavkku man hálidat jienastit, sáhtat ieš čállit dán bellodaga dahje joavkku nama jienastanlihppui.
Du jienastanlihppu sáddejuvvo du ruovttugildii lohkamii.
Jus leat buohcamin dahje bargonávcceheapmin, dus lea vejolašvuohta váldit oktavuođa iežat gielddain nu ahte beasat ovdalgihtii jienastit ruovttus. Áigemearri ohcat veahkki gielddas vai beasat jienastit ruovttus, lea duorastaga 4. čakčamánnu, dii. 12:00.
Sáhat oažžut veahkki jienastit válgalanjas
Váldde oktavuođa válgamielbargin jus dus leat gažaldagat, dahje darbbašat veahki go áiggut jienastit. Válgamielbargiiguin lea jávohisvuođageatnegasvuohta.
Jus leat doaibmahehttejuvvon ja dan diihte it sáhte jienastit okto, dus lea riekti oažžut veahki. Don sáhtat oažžut veahki válgamielbargis dahje eará olbmos gean ieš leat válljen.