Tiltaka er meint som hyggelege og informative påminningar om førehandsstemmeperioden, valdagen og betydninga av å bruke stemmeretten.
Både SMS og brev blir sendt uavhengig av om ein har førehandsstemt eller ikkje, og blir sende med bakgrunn i målet til Valdirektoratet om at alle skal vite når, kvar og korleis dei kan stemme. Målet er fastsett av Kommunal- og distriktsdepartementet.
Påminning på SMS
Torsdag 28. august får dei aller fleste stemmeføre over heile landet denne SMS-meldinga frå avsendar valg.no:
Hei! Hugs valdagen 8. september. Du kan førehandsstemme til og med 5. september.
Di stemme er viktig for demokratiet.
Godt val!
Helsing Valdirektoratet
Kven får SMS?
Meldinga blir sendt til stemmeføre som er registrert med et norsk telefonnummer i kontakt- og reservasjonsregisteret, og som ikkje har reservert seg mot digital kommunikasjon med det offentlege.
Meldinga blir sendt til i overkant av 3,7 millionar stemmeføre.
Brev til veljarar med innvandrarbakgrunn
Om lag 170 000 veljarar med innvandrarbakgrunn som har fått statsborgarskap og oppnådd stemmerett til stortingsval dei siste åtte åra, får eit brev i posten med praktisk informasjon om valet og ei oppmoding om å bruke stemmeretten sin.
Sjå brevet som blir sendt til veljarar med innvandrarbakgrunn.
Kvifor sender vi brev?
Vi vet at det er lågare valdeltaking blant stemmeføre med innvandrarbakgrunn enn i befolkninga elles.
Analysar av informasjonstiltak frå tidlegare val tyder på at brevet er eit effektivt tiltak som gir mottakaren praktisk informasjon.