Maid čoahkkáigeassu mearkkaša
Dáppe gávnnat eanet dieđuid dan birra ahte mii lea loguid duohken mat leat čoahkkáigeasus siiddus valgresultat.no
Jienastanvuoigatvuođalaččat
Man galle olbmos lea jienastanvuoigatvuohta justa dan áššáigullevaš válggas gielddas dahje fylkkagielddas.
Dássážii lohkkon jienastanlihput
Man galle dohkkehuvvon jienastanlihpu leat dássážii lohkkon. Jienastanlihput mat leat merkejuvvon leat "eahpideaddjin" logadettiin eai lohkkojuvvo ovdal válgastivra daid vejolaččat dohkkeha. Eahpideaddji jienastanlihput maid válgastivra hilgu čájehuvvojit čuoggá vuolde "hilgojuvvon jienastanlihput".
Ovddalgihtiijienaid lohku
Man galle dohkkehuvvon jienastanlihpu mat leat ovddalgihtii jienastuvvon leat dássážii lohkkon.
Searvanproseanta
Man galles sis geain lea jienastanvuoigatvuohta leat jienastan áššáigullevaš válggas.
Gielddastivrraválggas meroštallo searvanproseanta alimus jienastanlogu logus ja dohkkehuvvon jienastanlihpuid logu vuođul. Fylkkadikkeválgga searvanproseanta meroštallo dohkkehuvvon jienastanlihpuid logu vuođul.
Searvanproseantta vuođus leat logut maid gielddat leat raporteren. Dassážii go buot gielddat leat loahpahan válgaloahpaheami ja raporttaid, lea searvanproseanta gaskaboddosaš.
Guoros jienastanlihput
Man galle guoros jienastanlihpu leat addojuvvon áššáigullevaš válggas. Dat mearkkaša ahte jienasteaddji ii leat jienastan guđege bellodaga/joavkku mas lea listu áššáigullevaš válggas, muhto lea guoros jiena jienastan.
Hilgojuvvon jienastanlihput
Man galle jienastanlihpu leat logadettiin hilgojuvvon go leat eahpedohkálaččat.
Jienastanlihpu galgá hilgojuvvot jus das váilo steampal; ii boađe ovdan guđe válgii jietna lea addon; ii boađe ovdan guđe bellodaga dahje joavkku jienasteaddji lea jienastan dahje jus bellodat dahje joavku ii searvva listtuin dan válgabiires.