Ná jienastat iežat ruovttugielddas

Váldde dan jienastanlihpu maid áiggut geavahit.

Rievdat jienastanlihpu jus dan háliideaččat.

Máhcas jienastanlihpu nu, ahte bellodatnamma šaddá sisa ja steampalastinsadji olggobeallái – dalle ii oainne oktage maid jienastat. Jienastanlihpu it galgga bidjat konfaluhttii, it ge eará olggoža sisa.

Mana válgabargi lusa ja čájet legitimašuvnna vai oaččut steampala jienastanlihpu olggobeallái. Jienastanlihpus galgá leat steampal jus galggaš dohkkehuvvot!

Bija steampalastojuvvon jienastanlihpu jienastanlihttái.

Rievdadusat jienastanlihpus

Sáhtát rievdadit jienastanlihpu. Jienastanlihpu rievdadeapmi ii váikkut dasa man olu du jietna lohkko. Čilgehus mo rievdadit dan, čuožžu maiddái jienastanlihpus.

Rievdat evttohasaid vuoru
Bija (ođđa) nummara ruktái mii lea evttohasa(id) nama gurut bealde nu, ahte don ná čájehat mo du mielas galggašedje evttohasaid vuorru.

Sihkkut evttohasaid
Russe ruktái evttohasa(id) nama olgeš bealde jus áiggut sihkkut dan/daid.