Návti jienasta ietjat sijddasuohkanin

Válde dav jienastimlistav mav ájgo adnet.

Rievddada jienastimlistav jus ja gåktu iesj sidá.

Máhtsasta jienastimlistav belludaknamájn sisi ja stiempela sajijn ålgus - navti ij vuojnnu majt jienasta. Ij galga aneduvvat konvoluhtta jali makkirak gåbtjås jienastimlista ålggolin.

Maná nágin válggabarggáj, vuoseda duodastusáv ja oattjo stiemmpelav jienastimlista ålgusjbælláj. Jienastimlistan galggá stiempel jus galggá dåhkkiduvvat!

Bieja stiempeldum jienastimlistav jienastimlihttáj.

Rievddadit jienastimlistav

Besa muhtem mudduj jienastimlistav rievddadit. Jus jienastimlistav rievddada de ij dat vájkkuda man ednagit duv jiedna merkaj. Jienastimlistan aj tjuodtju bagádus gåktu dav rievddadit jus sidá.

Målssot kandidáhtaj vuorov
Bieja (ådå) tállav ruvton kandidáhta(j) namá gårobielen váj mierkki gåktu duv mielas kandidáhtaj vuorro galggá liehket.

Sihkkot ierit kandidáhtajt
Ruossista kandidáhta(j) namá oalges biele ruvton jus sidá suv ierit sihkkot.